اوگرا کا ڈیزل کی ذخیرہ اندوزی کرنے والوں کیخلاف کارروائی کا فیصلہ

ڈیزل کی ذخیرہ اندوزی کرنے والوں کے خلاف کارروائی کا فیصلہ

---

اوگراہ نے ڈیزل کی قلت سے متعلق خبروں کو افواہ قرار دیتے ہوئے ذخیرہ اندوزوں کے خلاف فوری کارروائی ہدایت جاری کردی۔

ایکسپریس نیوز کے مطابق آئل اینڈ گیس ریگولیٹری اتھارٹی (اوگرا) نے ملک میں ڈیزل کی قلت اور ذخیرہ اندوزی کے معاملے پر چیف سیکرٹری گلگت بلتستان اور آزاد کشمیر سمیت چاروں صوبوں کے چیف سیکریٹریز کو خطوط لکھ دئیے۔

خط میں اوگرا حکام کا کہنا ہے کہ ملک کے مختلف حصوں میں ڈیزل کی قلت کی افواہیں پھیلائی جارہی ہیں لہذا چیف سیکریٹریز پیٹرول پمپس پر ڈیزل کی دستیابی یقینی بنائیں۔

اوگرا نے خط میں ہدایت دی کہ چیف سیکریٹریز ضلعی انتظامیہ کے ساتھ مل کر اپنے ایریا میں پیٹرول پمپس کی باقاعدہ مانیٹرنگ کریں اور کسی بھی ذخیرہ اندوزی کی صورت میں ذمہ داران کے خلاف فوری ایکشن لیں۔

اوگرا نے تیل مارکیٹنگ کمپنیوں کو بھی اپنے پیٹرول پمپوں پر پیٹرولیم مصنوعات کی دستیابی یقینی بنانے کی بھی ہدایات جاری کردیں۔