اسرائیل کے شام میں فضائی حملے4فوجیوں سمیت 9 افراد ہلاک

اسرائیلی بمباری سے زخمی ہونے والے متعدد افراد کی حالت تشویشناک ہے:فوٹو:فائل

---

ISLAMABAD: اسرائیل کی شام میں بمباری سے4 شامی فوجیوں سمیت 9 افراد ہلاک اورمتعدد زخمی ہوگئے۔

غیرملکی خبرایجنسی کے مطابق اسرائیلی فورسزنے شام کے دارالحکومت دمشق کے نواحی علاقوں میں بمباری کی جس کے نتیجے میں 9 افراد ہلاک اورمتعدد زخمی ہوگئے۔ زخمیوں میں سے کچھ کی حالت تشویشناک ہے۔

رپورٹس کے مطابق اسرائیلی طیاروں نے رہائشی عمارتوں کوبھی نشانہ بنایا ۔اسرائیلی بمباری سے متعدد عمارتیں تباہ ہوگئیں۔ متاثرہ علاقوں میں بے گھر ہونے والے افراد کوعارضی کیمپوں میں منتقل کردیا گیا۔ شامی فورسزنے اسرائیل کے میزائل حملے کوناکام بنانے کا دعویٰ کیا ہے۔