الیکشن کمیشن نے نور عالم خان نااہلی ریفرنس کے دائرہ اختیار پر فیصلہ محفوظ کرلیا

الیکشن کمیشن کا مکمل نہ ہونا پارلیمنٹ کی غیر ذمہ داری ہے، وکیل پی ٹی آئی کا عدالت میں موقف فوٹو:فائل

---

ISLAMABAD: الیکشن کمیشن آف پاکستان (ای سی پی) نے پاکستان تحریک انصاف (پی ٹی آئی) کے منحرف رکن نور عالم خان کی نااہلی کے لیے ریفرنس کے دائرہ اختیار پر فیصلہ محفوظ کرلیا۔

آج ای سی پی میں ہونے والی سماعت کے دوران نور عالم خان کے وکیل نے دلائل دیتے ہوئے موقف اپنایا تھا کہ نور عالم خان نے پارٹی پالیسی کے خلاف ووٹ نہیں دیا۔ انہوں نے سیاسی جماعت سے نہ استعفٰی دیا نہ کسی اور جماعت میں شمولیت اختیار کی۔

ان کا کہنا تھا کہ نااہلی ریفرنس آئینی معاملہ ہے، اسکو صرف فل بینچ ہی سن سکتا ہے، الیکشن کمیشن کے مکمل ہونے تک نااہلی ریفرنس کو ملتوی کرنے کا فیصلہ دیا جاسکتا ہے۔

تحریک انصاف کے وکیل نے عدالت میں موقف اپنایا کہ الیکشن کمیشن کا مکمل نہ ہونا پارلیمنٹ کی غیر ذمہ داری ہے، الیکشن کمیشن کے مکمل نہ ہونے میں اس کا کوئی قصور نہیں تاہم الیکشن کمیشن کو ہر حال میں نااہلی ریفرنس پر 30 دن کے اندر فیصلہ کرنا ہے۔