کچرے سے ملے لاٹری ٹکٹ نے خاتون کو مالا مال بنادیا
خاتون ہر ہفتے لاٹری خریدتی تھی مگر کسی بھی لاٹری میں انعام نہ نکلا، یہی سوچ کر انعامی لاٹری بھی کوڑے دان میں ڈال دی
کراچی:
آسٹریلوی خاتون نے کوڑے دان میں پھینکے ہوئے لاٹری ٹکٹ سے لاکھوں ڈالرز جیت لیے۔
غیر ملکی میڈیا کے مطابق آسٹریلیا سے تعلق رکھنے والی خاتون نے پانچ ڈالر مالیت کی گولڈن ایڈیشن لاٹری ٹکٹ خریدا تھا تاہم اسے کوڑے دان میں پھینک دیا۔
خاتون نے ٹکٹ اسکریچ کیا اور نمبروں کو دیکھ کر محسوس کیا کہ وہ لاٹری ٹکٹ سے کچھ نہیں جیتی اور ٹکٹ کو کچرے دان میں ڈال دیا۔
خاتون کے شوہر نے کوڑا دان سے لاٹری ٹکٹ نکالا اور خاتون کو بتایا کہ وہ انعام میں 1 لاکھ ڈالرز جیت چکی ہے۔
خاتون کا کہنا تھا کہ 'میں خوش ہوں کہ لاٹری ٹکٹ گھر سے باہر نہیں پھینکا، اور مجھے لگتا ہے کہ اپنی انعامی رقم اپنے شوہر کیساتھ بھی شیئر کرنی چاہیے۔
خاتون نے بتایا کہ وہ ہر ہفتے پانچ ڈالر والی اسکریچ آف لاٹری خریدتی ہے مگر اب تک کسی لاٹری سے انعام نہیں نکلا اسی لیے لگا کہ اس دفعہ بھی کوئی انعام نہیں نکلے گا اور یہی سوچ پر لاٹری ٹکٹ کوڑے دان میں ڈال دیا تھا۔