بزرگ شہری نے 14 سیکنڈ میں سومیٹر دوڑ کر سب کو حیران کردیا

معمر امریکی شہری نے سو میٹر دوڑ جیت لی(فوٹو فائل)

---

کراچی: امریکا میں معمر شہری نے سو میٹر دوڑ 14 سیکنڈ میں مکمل کرکے دیکھنے والوں کو حیرت میں مبتلا کردیا۔

غیر ملکی میڈیا کے مطابق امریکا میں سو میٹر دوڑ کا انعقاد ہوا جس میں بزرگ شہریوں نے بھی حصّہ لیا اور تماشائیوں کو دنگ کردیا۔

70 سالہ امریکی شہری مائیکل کش نے سو میٹر دوڑ صرف 13 اعشاریہ 47 سیکنڈ میں مکمل کی۔

مائیکل کش نے 14 سیکنڈ میں دوڑ مکمل کرکے ثابت کیا کہ سخت محنت اور جدوجہد جاری رکھی جائے تو عمر صرف ایک ہندسہ رہ جاتا ہے۔

میڈیا رپورٹس کے مطابق 70 سالہ کیٹگری میں ٹائٹل جیتنے والے مائیکل کی ویڈیو کو اب تک 19 لاکھ مرتبہ دیکھا جاچکا ہے۔

This is like a 70-year-old going 23.5 in the 50 freestyle...pic.twitter.com/GVg2EFzXrR

- Kyle Sockwell (@kylesockwell) April 30, 2022

انٹرنیٹ صارفین کی جانب سے مائیکل کش کو جوانوں کےلیے متاثر کن شخصیت قرار دیا جارہا ہے۔