آرمی چیف کی بیگم کے ہمراہ عید کے روز شہدا کے گھر آمد اہل خانہ سے ملاقات
شہدا کے اہل خانہ نے عید کے دن گھر آنے پر آرمی چیف کا شکریہ ادا کیا
NEW YORK:
چیف آف آرمی اسٹاف جنرل قمر جاوید باجوہ اور بیگم جنرل باجوہ نے عید کے روز پاک فوج کے شہدا کے گھروں کا دورہ کیا اور لواحقین سے ملاقات کی۔
پاک فوج کے شعبہ تعلقاتِ عامہ (آئی ایس پی آر) کے مطابق جنرل قمر جاوید باجوہ اہلیہ کے ہمراہ کیپٹن محمد کاشف شہید اور کیپٹن سعد بن امین کے گھر گئے، جہاں انہوں نے وطن عزیز کے لئے جان قربان کرنے والے فوج کے شہداء کی قربانی کو خراج عقیدت پیش کیا گیا۔
آئی ایس پی آر کے مطابق قوم اور پاک آرمی اپنے ان شہداء کی عظیم قربانی کو زبردست خراج عقید ت پیش اور فخر کرتی ہے۔
اس موقع پر چیف آف آرمی اسٹاف نے کہا کہ پاک فوج اور قوم اپنے ان بہادر سپوتوں کو عظیم قربانی پر سیلوٹ پیش کرتی ہے، قوم اپنے ان شہدا اور ان کی فیملیز کے جزبہ حوصلہ کی بھی قدر کرتی ہے۔
شہدا کے اہل خانہ نے عید الفطر کے دن آرمی چیف کے اہلیہ کے ساتھ گھروں کے دورہ پر ان کا شکریہ ادا کیا۔