اسلام آباد سمیت ملک کے مختلف علاقوں میں موسلادھار بارش

اسلام آباد اور راولپنڈی میں آج صبح گرج چمک کے ساتھ بارش ہوئی. (فائل : فوٹو)

---

WASHINGTON: اسلام آباد سمیت ملک کے مختلف علاقوں میں موسلادھار بارش ہوئی جس سے موسم خوشگوار ہوگیا۔

جڑواں شہروں اسلام آباد اور راولپنڈی میں آج صبح گرج چمک کے ساتھ بارش ہوئی جس کے باعث گرمی کا زور ٹوٹ گیا۔ گرمی کی شدت میں کمی سے موسم خوشگوار ہوگیا اور شہریوں کے چہرے خوشی سے کھل اٹھے۔

وہاڑی سمیت پنجاب کے مختلف شہروں میں گرج چمک کے ساتھ وقفے وقفے سے بارش کا سلسلہ جاری ہے۔ بارش کے باعث کئی فیڈر ٹرپ کرگئے اور بجلی کی فراہمی معطل ہوگئی۔

محکمہ موسمیات کے مطابق آج خیبر پختونخوا، شمالی بلوچستان، اسلام آباد، بالائی اور وسطی پنجاب، کشمیر اور گلگت بلتستان میں آندھی اور گرد آلود ہوائیں چلنے کےعلاوہ گرج چمک کے ساتھ بارش کا امکان ہے۔

ملک بھر میں بارشوں کا سلسلہ پانچ مئی تک جاری رہنے کی توقع ہے۔

آندھی اور تیز ہواؤں سے کمزور اسٹرکچرز کو نقصان پہنچنے کا خدشہ ہے جبکہ بارشوں سے گلگت بلتستان میں لینڈ سلائیڈنگ کا بھی خطرہ ہے۔