لیاری گینگ وار کے سرغنہ رحمن ڈکیت کا بیٹا گرفتار
ملزم نے سنگین نوعیت کی وارداتیں کیں، کافی عرصے سے منشیات فروشی کا نیٹ ورک چلارہا تھا اور پولیس کو مطلوب بھی تھا
ملزم نے سنگین نوعیت کی وارداتیں کیں، کافی عرصے سے منشیات فروشی کا نیٹ ورک چلارہا تھا اور پولیس کو مطلوب بھی تھا (فائل: فوٹو)
ISLAMABAD:
پولیس نے لیاری گینگ وار کے مرکزی کردار رحمن بلوچ عرف ڈکیت کے بیٹے کو گرفتار کرلیا، ملزم کے قبضے سے اسلحہ، منشیات اور دیگر سامان برآمد کرلیا گیا۔
پولیس نے لیاری گینگ وار کے مرکزی کردار رحمن بلوچ عرف ڈکیت کے بیٹے کو گرفتار کرلیا، ملزم کے قبضے سے اسلحہ، منشیات اور دیگر سامان برآمد کرلیا گیا۔
ایکسپریس نیوز کے مطابق ایس ایس پی سٹی شبیر احمد سیٹھار کے مطابق کلری کے علاقے سے لیاری گینگ وار کے مرکزی کردار رحمن بلوچ عرف ڈکیت کے بیٹے ساربان بلوچ کو گرفتار کرلیا گیا۔ ملزم کے قبضے سے اسلحہ، مسروقہ موٹر سائیکل اور ڈھائی کلو سے زائد منشیات برآمد ہوئی۔
ملزم گینگ وار کے مرکزی کردار رحمن گروپ کے نام پر کئی سنگین نوعیت کی وارداتیں کرچکا وہ کافی عرصے سے منشیات فروشی کا نیٹ ورک چلارہا تھا اور پولیس کو مطلوب بھی تھا۔
ایس ایس پی کے مطابق ملزم کے دیگر ساتھیوں کے تلاش میں مختلف مقامات پر چھاپے مارے جارہے ہیں جبکہ ملزم کے خلاف مقدمہ درج کرکے مزید تحقیقات کا آغاز کردیا گیا ہے جس میں اہم انکشافات متوقع ہیں۔