آسٹریلوی کپتان پیٹ کمنز کوپاکستانی باربی کیو یاد آنے لگا

پیٹ کمنز نے بار بی کیو کی تعریف کے لئے دل کا آئیکون اورپاکستان کا جھنڈا شئیرکیا

ویب ڈیسک May 06, 2022

دورہ پاکستان میں بار بی کیو کا لطف اٹھایا،پیٹ کمنز:فوٹو:فائل

کراچی: آسٹریلیا کی ٹیسٹ ٹیم کے کپتان پیٹ کمنز نے پاکستانی باربی کیو کی تعریف کردی۔

بھارت میں لیگ کرکٹ کے لئے موجود آسٹریلیا کے ٹیسٹ کپتان پیٹ کمنز کوپاکستانی بار کیو یاد آنے لگا۔سوشل میڈیا پرمزیدار ڈش کے بارے میں سوال کرنے پرایک صارف نے انگلش کپتان کوپاکستان آکر لذیذ کھانا کھانے کا مشورہ دیا تو کمنز نے پاکستانی باربی کیو کی تعریف کردی۔

We had some lovely team BBQ’s in Pakistan 🇵🇰 ❤️ https://t.co/CKKFC8VX3A
— Pat Cummins (@patcummins30) May 5, 2022

پیٹ کمنز نے ٹوئٹ کیا کہ دورہ پاکستان میں ٹیم کے ساتھ بار بی کیو کا لطف اٹھایا جو بہت اچھا تھا۔ پیٹ کمنز نے ٹوئٹ میں دل کے آئیکون کے ساتھ پاکستان کا جھنڈا بھی شئیرکیا۔

آسٹریلیا کی کرکٹ ٹیم نے مارچ میں پاکستان کا دورہ کیا تھا اور3 ٹیسٹ میچز اورایک ٹی ٹوئنٹی کھیلا تھا۔ دورہ پاکستان میں مہمان ٹیم کی تواضح کے لئے روزانہ باربی کیو کا اہتمام بھی کیا گیا تھا۔