تحصیل سوراب میں ایف سی قافلے کے قریب دھماکے سے 3 اہلکار جاں بحق اور 6 زخمی ہو گئے۔

ایکسپریس نیوز کے مطابق ایف سی کے ترجمان کا کہنا ہے کہ ضلع قلات کی تحصیل سوراب میں ایف سی کے قافلے کے قریب دھماکے سے 3 اہلکار جاں بحق اور 6 زخمی ہوگئے، زخمیوں کو فوری طور پر قریبی اسپتال منتقل کر دیا گیا ہے جہاں 2 اہلکاروں کی حالت تشویشناک بتائی جا رہی ہے۔

ایف سی کے اہلکاروں نے واقعے کے بعد علاقے کا محاصرہ کر کے دھماکے کی تحقیقات شروع کر دی ہے تاہم ابھی تک یہ معلوم نہیں ہو سکا ہے کہ دھماکہ پلانٹڈ تھا یا پھر دستی بم کے ذریعے سے حملہ کیا گیا۔