حکومت کا سابق وفاقی وزیر بلیغ الرحمن کو گورنر پنجاب بنانے کا فیصلہ

وزیراعظم آفس نے سمری صدر مملکت کو بھجوا دی

---

KABUL: سابق وفاقی وزیر بلیغ الرحمن کا نام گورنر پنجاب کے لئے صدر کوارسال کردیاگیا۔

حکومت نے گورنر پنجاب عمر سرفراز چیمہ کو تبدیل کرنے کا فیصلہ کرلیا۔ وزیراعظم شہباز شریف کی ایڈوائس پر پاکستان مسلم لیگ (ن) سے تعلق رکھنے والے بلیغ الرحمن کا نام گورنر پنجاب کے لئے صدرمملکت کو ارسال کیاگیا ہے۔

پنجاب میں نئے گورنر کیلئے بلیغ الرحمن نام کی سمری صدر مملکت کو بھجوا دی گئی اب صدر موجودہ گورنر کو گیارہ مئی تک برقرار رکھ سکتے ہیں اور رات کو یہ برطرف تصور کئے جائیں گے اور سپیکر پنجاب اسمبلی چوہدری پرویز الہی خود بخود گورنر بن جائیں گے -

— Aamir Ilyas Rana (@RanaAamirilyas) May 7, 2022

واضح رہے کہ گزشتہ ماہ پچھلی حکومت نے گورنر پنجاب چوہدری محمد سرور کو عہدے سے برطرف کرکے عمر سرفراز چیمہ کو گورنر بنایا تھا۔ عمر چیمہ نے ن لیگ کی نئی حکومت کےلیے کئی مشکلات کھڑی کیں اور وزیراعلیٰ پنجاب حمزہ شہباز سے حلف لینے سے انکار کردیا تھا۔