بین اسٹوکس نے انگلش کاؤنٹی کی ایک اننگز میں سب سے زیادہ چھکے مارنے کا ریکارڈ بنالیا

(فوٹو: کرک انفو)

---

ISLAMABAD: انگلش ٹیم کے نو منتخب کپتان بین اسٹوکس نے انگلش کاؤنٹی چیمپئن شپ میں ایک اننگز میں سب سے زیادہ چھکے مارنے کا ریکارڈ قائم کردیا۔

بین اسٹوکس نے درہم ٹیم کی نمائندگی کرتے ہوئے ووسٹرشائر کے خلاف ایک اننگز میں 17 چھکے اور 8 چوکے لگائے جبکہ محض 126 گیندوں پر 161 رنز کی جارحانہ اننگز کھیلی۔

فرسٹ کلاس کرکٹر میچ کے دوران ایک اننگز میں سب سے زیادہ 23 چھکوں کا عالمی ریکارڈ کیوی کرکٹر کولن منرو کے نام ہے۔

دوسری جانب انگلش کاؤنٹی چیمپئن شپ میں پاکستانی کھلاڑیوں کی جانب سے بہترین پرفارمنس کا سلسلہ بھی جاری ہے۔