عامر لیاقت مجھے نماز نہیں پڑھنے دیتے تھے دانیہ شاہ کے شوہر پر سنگین الزامات

میں عامر لیاقت کے ساتھ نہ لڑائی کرنا چاہتی ہوں نہ ان سے کچھ لینا چاہتی ہوں، دانیہ شاہ فوٹواسکرین گریب

---

عامر لیاقت کی تیسری اہلیہ دانیہ شاہ نے اپنے شوہر پر سنگین الزامات لگاتے ہوئے کہا ہے کہ عامر لیاقت مجھے نماز بھی نہیں پڑھنے دیتے تھے اور گھر میں قید رکھتے تھے۔

دانیہ شاہ نے عامر لیاقت کے ساتھ تقریباً 4 ماہ تک ازدواجی تعلقات کے بعد تنسیخ نکاح کے لیے عدالت سے رجوع کیا ہے۔ حال ہی میں ایک انٹرویو کے دوران دانیہ شاہ نے طلاق جیسے انتہائی قدم اٹھائے جانے کے بارے میں بات کی۔

میزبان نے دانیہ شاہ سے پوچھا کہ آپ تو بچپن سے عامر لیاقت کو پسند کرتی تھیں اور اس کا اعتراف آپ نے ایک انٹرویو میں بھی کیا تھا پھر اچانک کیا ہوا کہ آپ نے تنسیخ نکاح کا دعویٰ دائر کردیا؟

یہ بھی پڑھیں: عامر لیاقت حسین نے 18 سالہ لڑکی سے تیسری شادی کرلی

دانیہ شاہ نے انکشاف کرتے ہوئے کہا کہ نہ میں نے عامر لیاقت کو دیکھا تھا نہ میں انہیں پسند کرتی تھی بلکہ عامر لیاقت نے مجھے کہا تھا کہ تم میڈیا پر یہ تمام باتیں کہنا۔ میں نے عامر لیاقت کو اپنے نکاح کے وقت دیکھا تھا۔ یہاں تک کہ میرے نام کے ساتھے ''سیدہ'' بھی عامر لیاقت نے ہی لگوایا تھا۔ حالانکہ میرا نام ''دانیہ ملک'' ہے۔

دانیہ شاہ نے عامر لیاقت پر سنگین الزامات لگاتے ہوئے کہا کہ عامر لیاقت نے مجھے کبھی بھی گھر پر نوکروں کے سامنے عزت نہیں دی۔ ہاں میڈیا پر میرے ساتھ اچھے تھے لیکن جیسے ہی گھر پر پہنچتے تھے ان کا رویہ بدل جاتا تھا۔

یہ بھی پڑھیں: عامر لیاقت حسین کی تیسری بیوی طلاق لینے عدالت پہنچ گئی

دانیہ شاہ نے کہا کہ عامر لیاقت نے مجھے میرے گھر والوں سے دور کرنے کی بھی کوشش کی۔ دانیہ نے پیسوں کے لیے عامر لیاقت کے ساتھ شادی کرنے کے الزام کی بھی تردید کرتے ہوئے کہا کہ مجھے اس کے پیسوں یا چیزوں کی ضرورت نہیں ہے۔ میڈیا، دنیا اور لوگ کہہ رہے ہیں کہ دانیہ شاہ نے پیسے کے لیے عامر لیاقت سے شادی کی تو ایسی کوئی بات نہیں ہے۔

یہ بھی پڑھیں: اگر میں غلط عورت تھی تو عامر لیاقت نے مجھ سے شادی کیوں کی؟ دانیہ شاہ روپڑیں

دانیہ شاہ نے ایک انٹرویو میں دعویٰ کیا تھا کہ عامر لیاقت نے انہیں گھر میں قید کرکے رکھا ہواتھا۔ میزبان نے ان سے پوچھا کہ پھر آپ اس قید سے باہر کیسے نکلیں؟ تو دانیہ شاہ نے کہا کہ میری بھانجی پیدا ہونے والی تھی اور میری بہن کا آپریشن تھا اس لیے میں نے عامر لیاقت کے بہت ہاتھ پیر جوڑے کہ مجھے جانے دو میں نے عامر لیاقت کے ساتھ بہت اذیت میں وقت گزارا ہے۔

دانیہ شاہ نے کہا عامر لیاقت مجھے نماز بھی نہیں پڑھنے نہیں دیتا تھا۔ کہتاتھا نماز میں صرف دو رکعتیں ہوتی ہیں یہ کیسا عا لم ہوا جسے نہ عورت کی عزت کا پتہ ہے اور نہ نماز کا۔

یہ بھی پڑھیں: عامر لیاقت کو 'چوتھی شادی' کی اجازت دے دی ہے، سیدہ دانیہ شاہ

دانیہ شاہ نے عامر لیاقت سے صلح کرنے کے حوالے سے کہا کہ عورت ذلیل ہونے کے لیے پیدا نہیں ہوئی۔ میں عامر لیاقت کے ساتھ نہ لڑائی کرنا چاہتی ہوں، نہ ان سے کچھ لینا چاہتی ہوں، میری سیدھی سی بات ہے کہ وہ مجھے طلاق دیں مجھے اس رشتے میں رہنا ہی نہیں ہے۔
[ytembed videoid="r0gTIFzKjUU"]