سیکیورٹی فورسز نے کارروائی کرکے 5 ایرانی فوجیوں سمیت 11 غیر ملکیوں کو بازیاب کرالیا

پاکستانی سیکیورٹی فورسز نے صوبہ بلوچستان کے علاقے تربت میں کارروائی کرکے 5 ایرانی فوجیوں سمیت 11 غیر ملکیوں کو بازیاب کرالیا۔

غیر ملکی خبر رساں ایجنسی کے مطابق پاکستانی سیکیورٹی فورسز نے تربت كے علاقے میں كارروائی كركے ایران کے سرحدی علاقے سے اغوا کئے گئے 5 ایرانی فوجیوں سمیت 11 مغویوں كو بازیاب كروالیا جس کی ایران کے نائب آرمی چیف جنرل مسعود جزائری نے بھی تصدیق کی ہے۔

واضح رہے کہ فروری کے وسط میں دہشت گرد تنظیم جیش عدل کی جانب سے ان ایرانی فوجیوں کے اغوا کے بعد ایران کے وزیر خارجہ نے اپنے فوجیوں کی بازیابی کے لئے پاکستان میں فوجی دخل اندازی کی دھمکی دی تھی جس پر دفتر خارجہ اور خارجہ امور کے مشیر سرتاج عزیز کی جانب سے ایران سے شدید احتجاج کیا گیا تھا۔