کامن ویلتھ گیمز ویمن کرکٹ ٹیم کے ڈوپ ٹیسٹ جون کے پہلے ہفتے میں ہونگے

لاہور:
کامن ویلتھ گیمز کے لیے ویمن کرکٹ ٹیم سمیت دستے کے تمام ارکان کے ڈوپ ٹیسٹ جون کے پہلے ہفتے میں ہوں گے۔

ذرائع کے مطابق اولمپک ایسوسی ایشن کی جانب سے رواں ہفتے کرکٹ بورڈ کے ساتھ ہاکی فیڈریشن کو بھی کھلاڑیوں کے ڈوپ ٹیسٹ کے لیے خط لکھا جائے گا۔


گیمز میں شریک کھلاڑیوں کے حتمی نام بھجوانے کی ڈیڈ لائن 25 مئی ہے، جس کے بعد اگلا مرحلہ ڈوپ ٹیسٹ کا ہوگا۔

کرکٹ اور ہاکی فیڈریشن ڈوپنگ کے اخراجات خود برداشت کریں گے جبکہ دوسرے کھلاڑیوں کے ڈوپنگ پر اٹھنے والے اخراجات پی او اے برداشت کرے گی۔

پی او اے حکام نے یکم جون سے گیمز میں شریک کھلاڑیوں کے لیے سپورٹس بورڈ پنجاب کی ای لابریئری میں ایک آگاہی سمینار بھی کرانے کا فیصلہ کیا ہے، جس کے بعد ڈوپنگ کا مرحلہ بھی مکمل کر لیا جائے گا۔