چین میں مسافر طیارہ حادثے کا شکار

حادثے کے باعث طیارہ آتشزدگی کی لپیٹ میں آگیا جب کہ متعدد مسافر زخمی ہوگئے

ویب ڈیسک May 12, 2022

چین میں مسافر طیارہ حادثے کا شکار(فوٹو فائل)

چین میں مسافر بردار طیارہ اڑان سے قبل ہی حادثے کا شکار ہوکر آگ لپیٹ میں آگیا، جس کے نتیجے میں مسافر زخمی ہوگئے۔

غیر ملکی میڈیا کے مطابق طیارہ حادثہ جمعرات کے روز چین کے شہر چونگ گنگ کے انٹرنیشنل ایئرپورٹ پر پیش آیا، جس کے بعد 'تبت ایئرلائنز' کے مسافروں سے بھرے ہوئے طیارے میں آگ بھڑک اٹھی۔

طیارہ 'اے 319' اندرون ملک پرواز کے سلسلے میں تبت ریجن کے صدر مقام لاسا جانے کے لیے اڑان بھرنے والا تھا کہ اچانک رن وے سے اتر گیا۔

حادثے کے نتیجے میں طیارے میں ہولناک آگ بھڑک اٹھی جس کے باعث جہاز میں سوار متعدد مسافر زخمی ہوگئے۔

Breaking: A plane is on fire on the runway of Chongqing Jiangbei Airport in Chongqing, China. pic.twitter.com/H5GFCFjfee

- PM Breaking News (@PMBreakingNews) May 12, 2022

حادثے کے وقت طیارے میں 113 مسافر اور عملے کے 9 افراد سوار تھے، جن میں سے 36 افراد کو معمولی زخم آئے۔

ایئرپورٹ حکام نے حادثہ رونما ہوتے ہی رن وے کو فلائٹس کےلیے بند کردیا جب کہ زخمی مسافروں کو فوری طور پر اسپتال منتقل کیا۔