ISLAMABAD:
کراچی میں صدر کے علاقے میں ہونے والے دھماکے کی سی سی ٹی وی فوٹیج منظر عام پر آگئی جس میں دیکھا جا سکتا ہے کہ مرکزی شاہراہ پر معمولات زندگی رواں تھی کہ اس دوران ایک زور دار دھماکا ہو گیا۔
سی سی ٹی وی کے مطابق دھماکا 10 بج کر 52 منٹ پر ہوا۔ دھماکے کے بعد چاروں اطراف دھواں پھیل گیا جبکہ لوگ تیزی سے محفوظ مقام کی طرف بھاگتے ہوئے نظر آئے۔
مزیدپڑھیں: کراچی کے علاقے صدر میں دھماکا، 2 افراد جاں بحق، متعدد زخمی
دوسری جانب کراچی پولیس چیف غلام نبی میمن وقوعہ پر پہنچے اور انہوں نے تبایا کہ دھماکے کے لیے موٹرسائیکل کو استعمال کیا گیا جبکہ کوسٹ گارڈ کی گاڑی کا گزرنا معمول نہیں تھا، دھماکا کوسٹ گارڈ کی گاڑی نشانہ تھی یا نہیں کہنا قبل از وقت ہے۔