گوجرانوالہ میں ڈمپراور 2 مسافر ویگنوں میں تصادم 12 افراد جاں بحق

حادثہ ڈمپر ڈرائیور کی غفلت کے باعث پیش آیا،پولیس:فوٹو:سوشل میڈیا

---

گوجرانوالہ میں ڈمپرکے 2 مسافرویگنوں سے ٹکرانے سے 12 افراد جاں بحق ہوگئے۔

ریسیکو ذرائع کے مطابق گوجرانوالہ میں کوٹ لدھا کے قریب 2مسافر ویگنوں اورڈمپرمیں تصادم کے نتیجے میں ایک بچی اور6 خواتین سمیت 12 افراد جاں بحق اور8 افراد زخمی ہوگئے۔

لاشوں اورزخمیوں کومختلف اسپتالوں میں منتقل کردیا گیا۔ حادثے میں جاں بحق ہونے والوں میں 4 ماہ کی بچی ھرین، منور بی بی ۔عاصمہ ،فوزیہ،حلیمہ ،خالدہ،آسیہ، الیاس، گلزار،اسلم ،عرفان اور ایک نامعلوم شخص شامل ہے۔ حادثے میں جاں بحق 9افراد رحمن پورہ گرجاکھ کے رہائشی تھے۔

https://twitter.com/RegnlTelegraph/status/1524966838169477128?s=20&t=0s-l8Ex9Gy8Boad3H1HsOg

پولیس کے مطابق گوجرانوالہ ٹریفک حادثے کا مقدمہ تھانہ کوٹ لدھامیں درج کرلیا گیا ہے۔ سرگودھا سے واپسی پرڈمپرکے ڈرائیور نے لاپرواہی سے ڈرائیونگ کرتے ہوئے 2 ویگنوں کو ٹکرماری۔ایف آئی آرمیں دوران ٹریفک حادثہ اموات،تیزرفتاری اورغفلت برتنے کی دفعات درج ہیں۔