عالیہ بھٹ اپنے ہالی ووڈ کے سفر کوشروع کرنے کے لیےروانہ

عالیہ بھٹ فلم ہارٹ آف اسٹون سے ہالی ووڈکی میں اپنا ڈیبیو دیں گی(فوٹو: فائل)

---

بالی ووڈ میں ایک کے بعد ایک ہٹ فلموں سے شہرت کی بلندیوں کو چھونے والی اداکارہ عالیہ بھٹ اپنی پہلی ہالی ووڈ فلم کی شوٹنگ کے لئے روانہ ہوگئیں۔
بھارتی میڈیا رپورٹ کے مطابق بالی ووڈ فلم انڈسٹری پر حالیہ دنوں میں راج کرنے والی اداکارہ عالیہ بھٹ اپنا ہالی ووڈ کا سفرشروع کرنے کے لئے تیار ہیں اور ہالی ووڈ نگری کی جانب روانہ ہوچکی ہیں۔
اداکارہ نے اپنے آفیشل انسٹاگرام پر ایک نئی تصویر شیئر کرتے ہوئے مداحوں کو آگاہ کیا کہ وہ اپنی ہالی ووڈ ڈیبیو، آنے والی فلم ہارٹ آف اسٹون کی شوٹنگ کے لیے روانہ ہو رہی ہیں۔

View this post on Instagram

A post shared by Alia Bhatt ☀️ (@aliaabhatt)

حال ہی میں گنگوبائی کاٹھیاواڑی جیسی بلاک بسٹر فلم میں بہترین اداکاری کا مظاہرہ کرنے والی عالیہ بھٹ فلم ہارٹ آف اسٹون میں ہالی ووڈ اداکارہ گال گیڈوٹ اور جیمی ڈورنن کے ساتھ جلوہ گر ہوں گی۔

پوسٹ شیئر کرتے ہوئے عالیہ بھٹ نے ایک دلچسپ کیپشن بھی لکھا، "اور میں اپنی پہلی ہالی ووڈ فلم کی شوٹنگ کے لیے جا رہی ہوں، ایک بار پھر ایک نئے آنے والےاداکار کی طرح محسوس ہورہا ہے بہت گھبرائی ہوئی ہوں! مجھے بیسٹ آف لک کہیں ۔

واضح رہے کہ عالیہ بھٹ نے گزشتہ ماہ رنبیر کپور کے ساتھ ازدواجی زندگی کا آغاز کیا ہے ، جبکہ جوڑے نے 14 مئی کو اپنی شادی کی ایک ماہ کی سالگرہ بھی منائی تھی۔

View this post on Instagram

A post shared by Alia Bhatt ☀️ (@aliaabhatt)