عمران خان کی گندی ذہنیت کی جتنی مذمت کی جائے کم ہے شہبازشریف

ایسا شخص جو لیڈر بنتا ہے اور وہ قوم کی بیٹی کے حوالے سے نازیبا اور گٹھیا الفاظ استعمال کرتا ہے، شہباشریف:فوٹو:فائل

---

وزیراعظم شہبازشریف کا کہنا ہے کہ ایسا شخص جو لیڈر بنتا ہے اور وہ قوم کی بیٹی مریم نواز کے حوالے سے نازیبا اور گٹھیا الفاظ استعمال کرتا ہے، ایسے بدترین الفاظ اور اس گندی ذہنیت کی جتنی مذمت کی جائے کم ہے۔

مسلم لیگ (ن) کی نائب صدر مریم نواز کے حوالے سے سابق وزیراعظم عمران خان کے بیان پر ردعمل کا اظہار کرتے ہوئے وزیراعظم شہبازشریف کا کہنا تھا کہ مریم نواز کے حوالے سے عمران خان کے الفاظ بدترین اور اس گندی ذہنیت کی جتنی مذمت کی جائے کم ہے، ہمارے معاشرے میں مائیں بہنیں کیا سوچتی ہوں گی۔

شہبازشریف کا کہنا تھا کہ ایسا شخص جو لیڈر بنتا ہے اور وہ قوم کی بیٹی مریم نواز کے حوالے سے نازیبا اور گٹھیا الفاظ استعمال کرتا ہے، یہ عمران خان کے لیے ڈوب مرنے کا مقام ہے، جسکی جتنی مذمت کی جائے کم ہے۔

Our relationship with China has transformed into an Iron Brotherhood over last 71 years. This comprehensive strategic partnership has stood test of time & emerged as a factor of stability in the region & beyond. My congratulations to the govts & peoples of both countries. 🇵🇰 🇨🇳

— Shehbaz Sharif (@CMShehbaz) May 21, 2022

بعد ازاں سماجی رابطے کی ویب سائٹ ٹویٹر پر اپنی ٹویٹ میں وزیراعظم شہبازشریف کا کہنا تھا کہ چین کے ساتھ تعلقات 71 سال میں بھائی چارے میں بدل چکے ہیں، چین کے ساتھ شراکت داری وقت کی آزمائش پر اتری، یہ شراکت داری خطے اور خطے سے باہر استحکام کے عنصر کے طور پر ابھری ہے۔