ریاستی اداروں کیخلاف اشتعال انگیزی کے مقدمے میں عالمگیر خان کی ضمانت منظور

عالمگیر خان کے خلاف گلشن اقبال تھانے میں ریاستی اداروں کی خلاف اشتعال انگیز ی کا مقدمہ درج ہے


ویب ڈیسک May 23, 2022
عالمگیر خان

عدالت نے تحریک انصاف کے مستعفی رکن قومی اسمبلی عالمگیر خان کی ریاستی اداروں کے خلاف اشتعال انگیزی سے متعلق مقدمے میں عبوری ضمانت منظور کرلی۔

ایکسپریس نیوز کے مطابق پاکستان تحریک انصاف کے رہنماؤں اور کارکنوں کے خلاف ملک بھر میں سیکیورٹی اداروں کا کریک ڈاؤن جاری ہے، گلشن اقبال تھانے میں بھی پی ٹی آئی کے مستعفی رکن قومی اسمبلی عالمگیر خان کے خلاف ریاستی اداروں کے خلاف اشتعال انگیزی کا مقدمہ درج کیا گیا ہے۔

جس پر کراچی سٹی کورٹ میں جوڈیشل مجسٹریٹ شرقی کی عدالت میں پی آتی آئی کے مستعفی رکن قومی اسمبلی عالمگیر خان کی درخواست ضمانت پر سماعت ہوئی۔

عدالت نے عالمگیر خان کی ایک لاکھ روپے کے مچلکوں کے عوض عبوری ضمانت منظور کرلی اور پولیس کو 28 مئی تک عالمگیر خان کی گرفتاری سے روک دیا ہے جب کہ عالمگیر خان کو پولیس تفتیش میں شامل ہونے کا حکم دیا ہے۔

عدالت نے درخواست پر پراسیکیوشن اور تفتیشی افسر سے 28 مئی تک جواب طلب کرلئے۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مقبول خبریں