پاکستانی فلم ’جوائے لینڈ ‘کانز فلم فیسٹیول میں ایوارڈ جیتنے میں کامیاب

ان سرٹن ریگارڈ فیسٹول کا دوسرا سب سے باوقارایوارڈ مانا جاتا ہے(فائل فوٹو)

---

GLASGOW: پاکستانی ڈائریکٹر،رائٹراوراداکارصائم صادق کی فلم ''جوائے لینڈ '' نے فرانس میں جاری کانز فل فیسٹیول کا دوسرا بڑا ایوارڈ اپنے نام کرلیا۔

پاکستانی شارٹ فلم ''جوائے لینڈ''نے کانز فلم فیسٹیول میں ان سرٹن ریگارڈ کیٹگری کا جیوری پرائزجیتا ہے جو اس فیسٹول کا دوسرا سب سے باوقارایوارڈ مانا جاتا ہے۔

صائم صادق اور ثروت گیلانی نےاپنی انسٹااسٹوریزمیں یہ خوشبری فالوورز کے ساتھ شیئرکی، اس سے قبل علینا نے ایوارڈ جیتنے سے قبل فلم کی اسکریننگ کے لمحات کی ویڈیو شیئرکرتے ہوئے دعاکی درخواست بھی کی تھی۔



 

View this post on Instagram

A post shared by Alina Khan (@onlyalinakhan)

ٹوئٹرپرہیش ٹیگ کے ساتھ جوائے لینڈ ٹاپ ٹرینڈزمیں بھی شامل ہے جس میں اداکارہ ماہرہ خان اور معروف شوبز شخصیات سمیت دیگرصارفین اس اعزاز پرخوشی کا اظہار کررہے ہیں۔

Bursting with pride and joy! Congratulations team #joyland !! Congratulations Pakistan! 🎉💞🇵🇰 @SaimSadiq14 @sarwatgilani #sarmadkhoosat #alinakhan #saniasaeed https://t.co/jJyK3sOL5G - Mahira Khan (@TheMahiraKhan) May 23, 2022

جوائے لینڈ کی کہانی ایک خواجہ سرا کی زندگی کے گرد گھومتی ہے، فلم کے پروڈیوسرسرمد کھوسٹ اوراپوروا چرن ہیں جبکہ موسیقی عبداللہ صدیقی نے ترتیب دی ہے ۔ صائم صادق کی اس فیچرفلم کی نمایاں کاسٹ میں ثانیہ سعید، ثناء جعفری، علی جونیجو،علینہ خان، ثروت گیلانی ،راستی فاروق سمیت دیگراداکاروں نے بہترین اداکاری کا مظاہرہ کیا.

View this post on Instagram

A post shared by Sunil Shanker (@iamsunilshanker)

واضح رہے کہ کانز فلم فیسٹیول میں فیچرڈفلموں کی کیٹیگری صرف 14 فلموں تک محدود ہوتی ہے جن میں جوائے لینڈ کا انتخاب اس لحاظ سے بھی نہایت اہمیت کا حامل رہا کہ یہ کانزمیں میں دکھائی جانے والی پہلی پاکستانی فیچرفلم ہے۔

یاد رہے کہ یہ پہلی مرتبہ نہیں کہ صائم صادق نے بین الاقوامی پلیٹ فارم پر پاکستان کی نمائندگی کی ہو بلکہ اس سے قبل بھی 2019 میں ان کی شارٹ فلم ڈارلنگ وینس اورٹورنٹو فلم فیسٹیول میں نمائش کے لیے پیش کی جاچکی ہیں۔