خاتون کو دوران سفر ٹکٹ چیکر ‘انچارج اور ایک شخص نے زیادتی کا نشانہ بنایا، ایف آئی آر کا متن
ایکسپریس نیوز کے مطابق ٹرین میں سفر کرنے والی خاتون کے ساتھ مبینہ زیادتی کا دلخراش واقعہ پیش آیا ہے، متاثرہ خاتون کے مطابق ملتان سے کراچی آنے والی زکریا ایکسپریس میں اس کے ساتھ ٹرین کے عملے نےاجتماعی زیادتی کی اور فرار ہوگئے۔ واقعے کی ایف آئی آر تھانہ سٹی کراچی میں درج کرلی گئی ہے، اور مقدمے میں ٹکٹ چیکر زاہد اورعاقب نامی شخص کو نامزد کیا گیا ہے۔
ایف آئی آر کے متن کے مطابق کراچی کے علاقے اورنگی ٹاؤن کی رہائشی خاتون کے شوہر نے ڈیڑھ ماہ قبل اس کو طلاق دے دی تھی، اس کا سسرال مظفر گڑھ میں ہے، اور وہ اپنے بچوں سے ملنے 26 مئی کو مظفر گڑھ پہنچی اور 27 مئی کو واپس زکریا ایکسپریس کے ذریعے کراچی کے لیے روانہ ہوئی، تاہم اسے ملتان اسٹیشن پر ٹکٹ نہیں ملا، خاتون نے ٹرین میں اکانومی کلاس کا ٹکٹ بنوا کر بغیر سیٹ سفر کیا۔
اطلاع کے مطابق دو ملزمان گرفتار کر لئے گئے ہیں اور تیسرے کے گرفتاری کے لئی ریلوے پولیس کی ٹیمیں چھاپے مار رہی ہیں۔
— Pakistan Railways (@PakrailPK) May 30, 2022
خاتون نے اپنے میں بتایا کہ ٹرین جب روہڑی سے روانہ ہوئی تو نجی شعبے کے ٹکٹ چیکر زاہد نے اسے برتھ کی پیشکش کی، اور اسے اے سی بوگی کے ایک کمپارٹمنٹ میں لے گیا، کچھ دیر بعد زاہد کمپارٹمنٹ میں آیا اور اس سے دست درازی کی، جب اس نے وہاں سے جانے کی کوشش کی تو ملزم نے اسے جان سے مار دینے کی دھمکی دے کر ذیادتی کانشانہ بنا دیا، اس کے بعد انچارج عاقب آگیا اس نے بھی زبردستی زیادتی کی، اوراس کے جانے کے بعد ایک اور شخص کمپارٹمنٹ میں آیا اس نے بھی خاتون کے ساتھ زیادتی کی۔
27 مئی کو ملتان سے کراچی جانے والی زکریا ایکسپریس جو پرائیویٹ مینجمنٹ SSR گروپ کے تحت چلائی جا رہی ہے میں افسوسناک واقعہ پیش آیا۔
— Pakistan Railways (@PakrailPK) May 30, 2022
ایس پی ریلوے مہر کوثر عباس کا کہنا ہے کہ خاتون نے کراچی اسٹیشن پر پہنچ کر کسی کو واقعے سے متعلق اطلاع نہیں دی تھی، خاتون پریشانی کے عالم میں اسٹیشن پر بیٹھی تھی جس پر ریلوے پولیس نے خاتون کی مدد کی، خاتون اپنی حقیقی بہن کے ساتھ گھر چلی گئی تھی، اطلاع ملنے پر ریلوے پولیس نے متاثرہ خاتون کو گھر سے بلوایا اور اس کا بیان ریکارڈ کیا۔
ایس ایس پی ریلوے نے بتایا کہ متاثرہ خاتون کے بیان کی روشنی میں مقدمہ درج کرکے تفتیش شروع کردی گئی ہے، زکریا ایکسپریس نجی شعبے کے زیر انتظام چلائی جارہی ہے اور واقعہ میں ملوث ٹرین کا عملہ فرارہوگیا ہے، ریلوے پولیس کی چھاپہ مار ٹیمیں ملتان روانہ ہو گئی ہیں، اور ملتان پولیس کو بھی اپنا کام کر رہی ہے جلد ملزمان کو گرفتار کر لیا جائے گا۔
دوسری جانب آئی جی ریلےو پولیس فیصل شاہکار کا کہنا ہے کہ زکریا ایکسپریس واقعہ میں نامزد تینوں ملزمان گرفتار کر لیے گئے ہیں، ملزمان کو سمندری، جہانیاں اور شور کوٹ سے گرفتار کیا گیا، ملزمان زوہیب، زاہد اور عاقب واقعہ سامنے آمنے پر فرار تھے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔