سونو سود نے چار بازو اور ٹانگ والی بچی کے علاج کا اعلان کرکے دل جیت لیے

لاہور:
مشہور بھارتی اداکار سونو سود نے ایک مرتبہ پھر اپنی دریا دلی سے مداحوں کے دل جیت لیے۔

سوشل میڈیا پر بھارت کی ایک ایسی بچی کی ویڈیو اور تصاویر وائرل ہوئیں جوکہ حیرت انگیز طور پر 4 بازوؤں اور ٹانگوں کے ساتھ پیدا ہوئی ہے۔

بھارتی میڈیا کے مطابق بھارت کے ضلع نوادہ میں پیدا ہونے والی اس بچی کو صحت مند زندگی گزارنے کے لیے فوری سرجری کی ضرورت تھی، مشکل حالات میں غریبو ں کی مدد کرکے سب کے دلوں پر راج کرنےوالے اداکار سونو سود نے جیسے ہی یہ خبر سنی تو بچی کے علاج کی ذمہ داری لیتے ہوئے اس کا علاج شروع کروا دیا۔

बिहार : नवादा जिले में एक ढाई साल की बच्ची के जन्म से ही चार हाथ और पैर

ایک صارف نے لکھا کہ'آج کے دور میں کوئی بھی بغیر کسی لالچ کے مدد نہیں کرتا، میں آپ کو سلام پیش کرتا ہوں،خدا آپ کو وہ تمام خوشیاں دے جس کے آپ مستحق ہیں'۔

خیال رہے کہ بھارتی اداکار سونو سود سماجی کاموں میں پیش پیش رہتے ، بھارت میں کووڈ کے دنوں میں سونو سود نے بہت سے ضرورت مندوں کی مدد کی اور انہیں آکسیجن سلینڈر سمیت مالی امداد بھی دی یہی وجہ ہے کہ سونو سود کے دنیا بھر میں بڑی تعداد میں مداح موجود ہیں۔