ایسا لگتا ہے کہ طالبان ہم سے اور ہم ان سے مذاق کر رہے ہیں فضل الرحمن

جمعیت علمائے اسلام ف کے سربراہ مولانا فضل الرحمن نے کہا ہے کہ حکومت طالبان کے ساتھ اصل رخ پرجانے کے بجائے مخالفت سمت کی طرف بڑھ رہی ہے جوامن کی طرف قدم نہیں۔


وزیراعظم نوازشریف کو مذاکرات کے حوالے سے بہتر مشورے دیے تھے لیکن ان میں مشورہ قبول کرنے کی صلاحیت موجود نہیں اگر طالبان کے ساتھ جنگ مقصود ہے تو پھر اسکا اعلان کیا جائے کیونکہ ہم نے طالبان کے ساتھ مذاق کیا اور وہ ہمارے ساتھ مذاق کر رہے ہیں۔ منگل کوپارلیمنٹ ہائوس کے باہرمیڈیا سے گفتگو کرتے ہوئے انھوں نے کہا کہ ہمیں اس رخ پرجانا ہے جوہمیں امن کی طرف لے جائے اگر سمت صحیح نہ ہو تو پھر اس بات کی ذمے دار حکومت ہوگی جو ابھی تک اصل رخ پرہے ہی نہیں۔