امریکی صدر جو بائیڈن کی مشہور کورین بینڈ بی ٹی ایس سے ملاقات

بی ٹی ایس کے اراکین کو امریکی صدر جوبائیڈن کی جانب سے مدعو کیا گیا تھا(فائل فوٹو)

---

SERRAVALLE: مشہور کورین بینڈ بی ٹی ایس کے اراکین نے وائٹ ہاؤس میں منعقد ایک تقریب میں شرکت کی ہے۔

امریکی صدر جوبائیڈن نے مائیکرو بلاگنگ ویب سائٹ ٹوئٹر پر کورین بینڈ بی ٹی ایس سے اپنی ملاقات کی ایک ویڈیو شیئر کی ہے۔

انہوں نے کورین بینڈ کا شکریہ ادا کرتے ہوئے لکھا کہ'کورین بینڈ بی ٹی ایس سے ملاقات کرنا اچھا لگا'صدر نے اپنے ٹوئٹ میں بی ٹی ایس کا ایشیائی مخالف نفرت انگیز جرائم اور امتیازی سلوک میں اضافے سے متعلق بیداری پیدا کرنے کے لیے شکریہ بھی ادا کیا۔

اس ملاقات میں امریکی صدر اور کورین پاپ بینڈ کے درمیان ایشیائی باشندوں کے خلاف نفرت انگیز جرائم اور امتیازی سلوک کی روک تھام سے متعلق امور پر تبادلہ خیال کیا گیا۔

It was great to meet with you, @bts_bighit. Thanks for all you're doing to raise awareness around the rise in anti-Asian hate crimes and discrimination.

I look forward to sharing more of our conversation soon. pic.twitter.com/LnczTpT2aL

- President Biden (@POTUS) June 1, 2022

جو بائیڈن نے ٹوئٹر صارفین سے وعدہ کیا کہ وہ جلد ہی بی ٹی ایس سے ہونے والی اپنی ملاقات کی مزید تفصیلات بھی سوشل میڈیا پر شیئر کریں گے۔

یاد رہے کہ کورین موسیقی کے مشہور بینڈ بی ٹی ایس کے اراکین کو امریکی صدر جوبائیڈن کی جانب سے گزشتہ ہفتے وائٹ ہاؤس میں منعقد ایک تقریب میں مدعو کیا گیا تھا۔

Thanks for having us at the White House! It was a huge honor to discuss important issues with @POTUS today. We're very grateful for #BTSARMY who made it all possible.
#BTS #방탄소년단 #BTSatTheWhiteHouse pic.twitter.com/PZd8Ox2Kea

- BTS_official (@bts_bighit) June 1, 2022