ہانگ کانگ بھیجے جانے والے کنٹینر سے بھاری مقدار میں منشیات برآمد
مذکورہ کنٹینر ڈائنامک انٹرپرائزز کراچی کی جانب سے بک کروایا گیا تھا
اینٹی نارکوٹکس فورس نے کراچی کے ساوتھ ایشیا پورٹ پر کارروائی کرتے ہوئے 145 کلوگرام کیٹامائن قبضے میں لے لی۔
ایکسپریس نیوز انسداد منشیات فورس انٹیلیجنس اور اے این ایف کراچی نے ساؤتھ ایشیاء پورٹ پر کارروائی کرتے ہوئے ہانگ کانگ کےلیے بک کئے گئے کپڑے پر مشتمل کنٹینر سے بھاری مقدار میں منشیات پکڑلی۔
اینٹی نارکوٹکس فورس نے کپڑے کے کنٹینر سے 145 کلو گرام کیٹامائن پکڑی ہے جسے منشیات فروشوں نے بڑی مہارت کے ساتھ کپڑے کے تھانوں میں چھپایا ہوا تھا۔
ذرائع اے این ایف کا کہنا ہے کہ مذکورہ کنٹینر ڈائنامک انٹرپرائزز کراچی کی جانب سے بک کروایا گیا تھا۔
کنٹینر بک کروانے والے کراچی کے رہائشی نعمت اللّٰہ خان نامی ملزم کو گرفتار کرکے انسدادِ منشیات ایکٹ کے تحت مقدمہ درج کرکے مزید تحقیقات کا آغاز کر دیا گیا ہے۔