عمران نیازی ملک کے خلاف کھلی دھمکیاں دے رہا ہے وزیراعظم

عمران نیازی کے تازہ انٹرویو نے بتا دیا وہ حکومتی عہدے کے لئے نااہل ہیں،شہبازشریف:فوٹو:فائل

---

وزیراعظم شہباز شریف نے کہا ہے کہ عمران نیازی ملک کے خلاف کھلی دھمکیاں دے رہا ہے۔

وزیراعظم شہباز شریف نے ٹویٹر پر بیان میں کہا کہ عمران نیازی ملک کے خلاف کھلی دھمکیاں دے رہا ہے، اگر کسی کو ثبوت کی ضرورت تھی کہ نیازی حکومتی عہدے کے لیے نااہل ہیں تو ان کا تازہ انٹرویو کافی ہے۔

While I am in Turkey inking agreements, Imran Niazi is making naked threats against the country. If at all any proof was needed that Niazi is unfit for public office, his latest interview suffices. Do your politics but don't dare to cross limits & talk about division of Pakistan.

— Shehbaz Sharif (@CMShehbaz) June 2, 2022

شہباز شریف نے مزید کہا کہ سیاست کریں لیکن اس میں حد پارکرتے ہوئے پاکستان کو تقسیم کرنے کی بات کرنے کی جرات نہ کریں۔

وزیراعظم نے کہا کہ یہ کیا مائنڈ سیٹ ہے کہ مجھے وزیراعظم بناؤ ورنہ میں جنگ کروں گا؟ یہ بیان نہیں بلکہ ملک میں انارکی اور تقسیم کی آگ بھڑکانے کی سازش ہے۔قوم کسی بھی قیمت پر ایسے مذموم ارادوں کو قبول کرے گی اور نہ ہی ہونے دے گی۔

انہوں نے کہا کہ عمران خان نے وہ بات کہی جو پاکستان کے دشمن کرتے ہیں۔ اقتدار جانے کا مطلب یہ نہیں کہ آپ پاکستان اوراس کے اتحاد اور اداروں کے خلاف اعلان جنگ کر دیں۔ عمران خان اداروں، وفاق اور اس کی اکائیوں پر حملہ آور نہ ہوں حوصلہ کریں اور آئین اور قانون کی حدیں نہ پھلانگیں۔

مزید پڑھیں: اسٹیبلشمنٹ نے صحیح فیصلے نہیں کیے تو فوج تباہ ہوگی اور ملک کے 3 ٹکڑے ہوجائیں گے، عمران خان

عمران خان نے ایک انٹرویو میں کہا تھا کہ اگران لوگوں کو اقتدار سے نہیں نکالا گیا تو ملک کے جوہری اثاثے چھن جائیں گے اورایٹمی پروگرام ختم ہوا تو ملک کے 3 ٹکڑے ہوں گے۔