بھارت کابل میں اپنا سفارتخانہ دوبارہ کھولے ویزہ سروس بحال کرےافغان طالبان

بھارت سے سیاسی، معاشی اورثقافتی تعلقات کا فروغ چاہتے ہیں، افغان حکومت

ویب ڈیسک June 03, 2022

بھارتی وفد نے طالبان حکام سے ملاقاتوں میں سیاسی، معاشی اوردیگرشعبوں میں تعاون پراتفاق کیا:فوٹو:سوشل میڈیا

MANCHESTER: طالبان حکومت نے بھارت پرکابل میں سفارتخانہ دوبارہ کھولنے اورویزہ سروس بحال کرنے پرزوردیا ہے۔

افغانستان کی وزارت خارجہ کے ترجمان عبدالقہار بلخی نے بیان میں کہا کہ بھارتی وفد کا دورہ افغانستان دونوں ممالک کے درمیان تعلقات کے نئے دورکا آغاز اورخوش آئند ہے۔

Today, IEA Acting Foreign Minister Mawlawi Amir Khan Muttaqi received Indian MEA Joint Secretary J.P. Singh & accompanying delegation.

The meeting focused on India-Afghan diplomatic relations, bilateral trade & humanitarian aid. pic.twitter.com/oIPdN1i4CE
— Abdul Qahar Balkhi (@QaharBalkhi) June 2, 2022

افغانستان کے قائم مقام وزیرخارجہ عامرخان متقی سے بھارتی وزارت خارجہ کے جوائنٹ سیکریٹری جے پی سنگھ نے وفد کے ہمراہ ملاقات کی اوردونوں ممالک کے درمیان سفارتی تعلقات کی بحالی،افغانستان کو انسانی ہمدردی کی بنیاد پر امداد کی فراہمی ،تجارت کے فروغ اوردیگرامور پربات کی۔

افغان حکام کا کہنا تھا کہ متوازن خارجہ پالیسی کے تحت افغان حکومت بھارت سے سیاسی ، معاشی اورثقافتی تعلقات کا فروغ چاہتی ہے۔ بھارت خطے کا ایک اہم ملک ہے جس پرانے تعلقات ہیں۔بھارت سے افغانستان میں سفارتخانہ دوبارہ کھولنے، زیرالتوا بھارتی منصوبے مکمل کرنے اورافغان عوام کے لئے ویزہ سروس بحال کرنے پرزوردیا ہے۔