بغیر رسی کے کنویں میں اترنے والی خاتون کی ویڈیو وائرل

خاتون روزانہ کنویں میں اترکرایک بالٹی پانی بھرتی ہیں

ویب ڈیسک June 04, 2022

کنویں میں اترنے والی خاتون کی ویڈیو کوہزاروں بارشئیرکیا جاچکا ہے:فوٹو:اسکرین گریب

کراچی: پانی کی ایک بالٹی بھرنے کے لئے بغیررسی کے کنویں میں اترنے والی خاتون کی ویڈیو وائرل ہوگئی۔

پانی کی شدید قلت نے خاتون کو بغیررسی کے کنویں میں اترنے پرمجبورکردیا۔ سوشل میڈیا پروائرل ویڈیو میں دیکھا جاسکتا ہے کہ بھارتی ریاست مدھیہ پردیش کے گاؤں میں ایک خاتون ایک بالٹی پانی بھرنے کے لئے بغیررسی کی مدد کے کنویں میں اتررہی ہیں۔

#WATCH | Madhya Pradesh: People in Dindori's Ghusiya village risk their lives to fetch water from an almost dry well pic.twitter.com/jcuyLmE5xL
— ANI MP/CG/Rajasthan (@ANI_MP_CG_RJ) June 2, 2022

غوثیہ نام کے گاؤں میں کنویں اور تالاب خشک ہو جانے کے بعد پانی کی بوند بوند کوترستے رہائشی پانی کے حصول کے لئے اپنی جان کو داؤ پرلگانے پرمجبور ہیں۔

سوشل میڈیا صارفین نے ویڈیو سامنے آنے پر مودی سرکار کو سخت تنقید کا نشانہ بناتے ہوئے علاقے میں پانی فراہم کے انتظامات کرنے کا مطالبہ کیا۔