وزیر دفاع خواجہ آصف نے اپنے سیکیورٹی گارڈ کو جھاڑ پلاکر اسٹیج سے اتار دیا ویڈیو وائرل

وزیر دفاع خواجہ آصف نے سیکیورٹی پر مامور ایلیٹ فورس کے کمانڈو کو جھاڑ پلاکر اسٹیج سے اتار دیا۔

ایکسپریس نیوز کے مطابق سیالکوٹ میں ایک تقریب کے دوران وزیردفاع خواجہ آصف کی سیکیورٹی پر مامور ایلیٹ فورس کے کمانڈو کا فون آ گیا، اور سیکیورٹی گارڈ نے خواجہ آصف کی تقریر کے دوران ہی فون پر بات شروع کردی، جسے دیکھ کر خواجہ آصف بھی غصے میں آگئے اور کمانڈو کو جھاڑ پلا دی۔

خواجہ آصف نے سیکیورٹی گارڈ کمانڈو کو غصہ کرتے ہوئے اسٹیج سے بیچے اتار دیا، اور دوران تقریر ہی پنجابی میں کہا کہ بندوق پکڑ لو یا ٹیلی پکڑ لو یا پھر نیچے اتر جاؤ مجھے تمہاری کوئی ضرورت نہیں۔ بندق پھڑ لے یا ٹیلی فون پھڑ لے یا تھلے لے جا مینوں تیری لوڑ کوئی نی اے گی۔