ISLAMABAD: جرمنی میں تیز رفتار ٹرین پٹڑی سے اترگئی جس کے نتیجے میں 5 افراد ہلاک اور 40 زخمی ہوگئے جن میں زیادہ تر طلبا شامل ہیں۔

عالمی خبر رساں ادارے کے مطابق جرمنی کے جنوبی صوبے باویریا میں ایک مسافر بردار ریجنل ٹرین پٹری سے اتر کر الٹ گئی۔ حادثے میں 40 افراد زخمی ہوگئے جنھیں قریبی اسپتال منتقل کردیا گیا۔

اسپتال انتظامیہ کا کہنا ہے کہ 5 افراد زخموں کی تاب نہ لاتے ہوئے دوران علاج دم توڑ گئے جب کہ اب بھی 15 افراد کی حالت تشویشناک ہے۔ ٹرین حادثے میں 12 افراد لاپتہ ہیں جن کے ریل گاڑی کے ملبے تلے دبے ہونے کا خدشہ ہے۔

ریسکیو ادارے اب بھی امدادی کاموں میں مصروف ہیں۔ ریل گاڑی کا ملبہ ہٹایا جا رہا ہے۔ ٹرین حادثے کی وجوہات کے تعین کے لیے انکوائری کمیٹی تشکیل دیدی گئی۔