پنجاب کے شہرچنیوٹ میں دریائے چناب میں نہاتے ہوئے 8سالہ بچے سمیت تین افراد ڈوب گئے۔

ایکسپریس نیوز کے مطابق ایک خاندان کے افراد تفریح کی غرض سے دریائے چناب پہنچے جہاں وہ کنارے پر کھڑے ہوکر پانی میں نہا رہے تھے کہ اسی دوران بچے آگے بڑھ گئے، جس کے باعث وہ پانی کے تیز بھاؤ میں بہہ گئے۔

ریسکیو حکام کے مطابق ڈوبنے والوں میں 8سالہ عبداللہ، 15سالہ لائبہ اور 18سالہ حسنین شامل ہیں۔ ریسکیوذرائع کے مطابق واقعے کی اطلاع ملتے ہی ماہر تیراکوں کے ہمرہا ریسکیو آپریشن کر کے تینوں کی لاشوں کو نکال کر ڈسٹرکٹ ہیڈ کوارٹرز اسپتال منتقل کردیا گیا ہے۔