پولیس اور رینجرز کی کارروائیوں میں 111 ملزم گرفتار

92چھاپوں اور8 پولیس مقابلوں میں بڑی تعداد میں اسلحہ اور منشیات برآمد کرلی گئی

Staff Reporter March 06, 2014

رینجرز نے کئی علاقوں میں ٹارگٹڈ کارروائیوں اور اسنیپ چیکنگ میں 6 ملزم دھرلیے۔ فوٹو: فائل

SARGODHA: پولیس و رینجرز نے شہر کے مختلف علاقوں میں کارروائیوں کے دوران 111 ملزم گرفتار کرکے اسلحہ برآمد کرلیا۔

تفصیلات کے مطابق پولیس نے گزشتہ 24 گھنٹے کے دوران 92 چھاپہ مار کارروائیوں اور8 پولیس مقابلوں کے بعد105ملزمان کو گرفتار کرکے بڑی تعداد میں اسلحہ اور منشیات برآمد کرلی ہے، گرفتار ملزمان قتل ، اقدام قتل ، بھتہ خوری ، اسٹریٹ کرائم اور دیگر وارداتوں میں ملوث ہیں، رینجرز نے شاہی آباد گوٹھ ، بھٹائی آباد ، مظفر آباد کالونی ، پریشان چوک ، فرید کالونی اور لیاری الفلاح روڈ پر چھاپہ مار ٹارگٹڈ کارروائیاں کیں جبکہ کٹی پہاڑی اور دھوبی گھاٹ میں اسنیپ چیکنگ کے دوران مجموعی طور پر 6 ملزمان کو حراست میں لیا ہے جن کے قبضے سے بڑی تعداد میں اسلحہ برآمد کرلیا گیا،اسلحے میں دیگر ہتھیاروں کے علاوہ ایس ایم جی رائفل بھی شامل ہے۔