’تمہارا بھی موسے والا جیسا حال کردیں گے‘ سلمان خان کو دھمکی آمیز خط موصول

سلمان خان کے والد سلیم خان کو بیٹے کے قتل کے کا دھمکی آمیز خط موصول ہوا ہے جس کے بعد اداکار کی سیکیورٹی کو مزید سخت کر دیا گیا ہے۔

بھارتی میڈیا رپورٹ کے مطابق بھارتی گلوکار اور سیاستدان سدھو موسےوالا کے قتل کے چند روز بعد ہی بالی ووڈ سپر اسٹار سلمان خان کے والد سلیم خان کو ایک دھمکی آمیز خط موصول ہوا ہے۔

مذکورہ خط سلمان خان کے والد سلیم خان کے گارڈز کو ممبئی کی اس ساحلی پٹی کے قریب پارک کی بینچ پر ملا جہاں یہ دونوں باپ بیٹے صبح کی واک کے بعد سستانے کے لیے کچھ دیر بیٹھتے ہیں۔

بھارتی میڈیا کا کہنا ہے کہ اس خط میں سلمان خان کو واضح طور پر قتل کی دھمکی دی گئی ہے جس میں لکھا تھا کہ ''تمہارابھی موسے والا جیسا حال کر دیں گے'' تاہم ممبئی پولیس نے گمنام خط کی موصول ہونے کے بعد نامعلوم افراد کے خلاف مقدمہ درج کرلیا ہے۔

Maharashtra Home Department strengthens actor Salman Khan's security after a threat letter was sent to him and his father Salim Khan yesterday, June 5.

یاد رہے کہ لارینس بشنوئی نے چند سال قبل سلمان خان کو قتل کی دھمکی دی تھی جس کے بعد حال ہی میں اس نے دوبارہ اداکار کو راجھستان میں جان سے مارنے کی دھمکی دی جہاں وہ کالے ہرن کے شکارکے کیس کے سلسلے میں عدالت میں پیش ہوتے رہتے ہیں۔

تاہم اس مرتبہ اداکار کو باقاعدہ بذریعہ خط دھمکی دی گئی ہے اس لئے خدشہ ہے کہ سدھو موسے والا کے بعد سلمان خان لارنس بشنوئی گینگ کے نشانے پر ہیں اس بات کو مدِنظر رکھتے ہوئے ممبئی پولیس نے سلمان خان کے گھر کے اردگرد اور ان کے ساتھ موجود سیکیورٹی کو مزید سخت کر دیا گیا ہے۔