حج آپریشن شروع پہلی پرواز 220 عازمین لے کر مدینہ روانہ

پی آئی اے 331 پروازوں کے ذریعے 33 ہزار عازمین حج کو سفری سہولیات دے گی

Numaindgan Express June 06, 2022

پی آئی اے 331 پروازوں کے ذریعے 33 ہزار عازمین حج کو سفری سہولیات دے گی۔ فوٹو: فائل

PRAGUE: روڈ ٹو مکہ 2022 حج آپریشن باضابطہ شروع، قومی ایئر لائن کی پہلی حج پرواز 329 نجی ایئر لائن کی پرواز 220 عازمین حج کو لے کر آج صبح مدینہ منورہ روانہ ہو گئی۔

قومی ایئر لائن کاحج آپریشن 331 پروازوں کے ذریعے 33 ہزار عازمین حج کوسفری سہولیات فراہم کی جائیں گی۔ روڈ ٹو مکہ 2022حج آپریشن پرکام شروع ہو گیاجس تحت اسلام آبادسے پہلی حج پرواز الصبح 3 بج کر 30 منٹ پرروانہ ہوگئی۔

قومی ایئرلائن کی پہلی حج پرواز کے زریعے 329 عازمین کومدینہ منورہ لے جایا گیا جبکہ دوسری پروازاسلام آباد سے ساڑھے8بجے روانہ ہوگی، سول ایوی ایشن کے مطابق، لاہور سے بھی نجی ایئرلائن کی پہلی حج پروازرات 2بجے 220 حجاج کولے کر مدینہ کیلئے روانہ ہوگئی۔

پی آئی اے سرکا ری حج سکیم کے تحت15ہزارجبکہ پرائیوٹ آپریٹرز کے18ہزارحجاج کرام کوسفری سہولیات فراہم کریگی، علامہ اقبال ایئرپورٹ پرآج دوپہرڈیڑھ بجے عازمین حج کیلئے تقریب منعقد ہوگی جس میں وزیراعلیٰ حمزہ شہبازبھی شریک ہونگے۔