مویشی منڈی کراچی سے چوری قربانی کا بچھڑا لیاقت آباد سے برآمد

بچھڑا چوری کرنے والے 2 ملزمان گرفتار

---

کراچی: سچل پولیس نے مویشی منڈی سے بچھڑا چوری کرنے والے دو ملزمان کو لیاقت آباد سے گرفتار کر کے چوری شدہ بچھڑا برآمد کر لیا ۔

سچل پولیس نے لیاقت آباد میں کارروائی کرتے ہوئے سپر ہائی وے مویشی منڈی سے قربانی کا بچھڑا چوری کرنے والے 2 ملزمان کو گرفتار کر کے چوری شدہ بچھڑا برآمد کرا لیا۔

ایس ایچ او سچل انسپکٹر اورنگ زیب خٹک نے بتایا کہ اندرون سندھ کے بیوپاری سیف الرحمٰن نے سچل تھانے میں درخواست دی کہ 2 ملزمان مویشی منڈی سے عید قربان پر فروخت کے لیے لایا جانے والا اس کا بچھڑا چوری کر کے لے گئے ہیں۔

کراچی
سپر ہائی وے مویشی منڈی سےبچھڑا چوری کرنے والے دو ملزمان گرفتار،بجھڑا برآمد
اتوار کی شام ملزمان نے مویشی منڈی سے اندرون سندھ کے بیوپاری کا بچھڑا چوری کرکے لیاقت آباد مویشی منڈی میں فروخت کردیا. پولیس نے ملزمان کو گرفتار کرکے مویشی برآمد کرکے مالک کے حوالے کردیا pic.twitter.com/Bdi53myV6R

— Naimat Khan (@NKMalazai) June 5, 2022

پولیس نے تحقیقات کے بعد خفیہ اطلاع پر لیاقت آباد دس نمبر میں کارروائی کرتے ہوئے دونوں ملزمان شہزاد اور ذیشان کو گرفتار کر کے چوری شدہ بچھڑا برآمد کرا لیا۔

ملزمان نے بچھڑے کو اتوار کی شام کو لیاقت آباد مویشی منڈی میں فروخت کردیا تھا ، پولیس نے بچھڑا مالک کے حوالے کر دیا ہے اور ملزمان کے خلاف مقدمہ درج کر کے تفتیشی پولیس کے حوالے کر دیا ۔