سعودی عرب کی بی جے پی رہنما کے گستاخانہ بیان کی مذمت

تمام مذہبی شخصیات اورشائعرسے متعصبانہ رویے کو مسترد کرتے ہیں، سعودی وزارت خارجہ:فوٹو:فائل

---

سعودی عرب نے بی جے پی کی خاتون رہنما کے نبی کریمﷺکی شان میں گستاخانہ بیان کی مذمت کی ہے۔

سعودی وزارت خارجہ کی جانب سے جاری بیان میں کہا گیا ہے کہ بھارت کی حکمران انتہاپسند قوم پرست جماعت بھارتیہ جنتا پارٹی (بی جے پی) کی ترجمان کی جانب سے نبی کریمﷺکی شان میں گستاخانہ بیانات کی شدید مذمت کرتے ہیں۔ سعودی عرب تمام مذہبی شخصیات اورشعائر سے متعصبانہ رویے کو مسترد کرتا ہے اورتمام مذاہب کے احترام پرزوردیتا ہے۔

Ministry of Foreign Affairs:

“The Kingdom of Saudi Arabia expresses its condemnation and denunciation of the statements made by the spokeswoman of the Indian Bharatiya Janata Party, which insult the Prophet Muhammad, peace and blessings be upon him.” pic.twitter.com/dmZ65RinGR

— Inside the Haramain (@insharifain) June 5, 2022

حرمین شریفین کے امورکے نگراں ادارے کے صدر اورامام کعبہ شیخ عبدالرحمٰن السدیس نے بی جے پی رہنما کی نبی کریمﷺکی شان میں گستاخی کی شدید مذمت کرتے ہوئے کہا کہ ایسے گھناؤنے بیانات مذاہب کے عدم احترام کی مثال ہیں۔ ایسے بیانات دینے والوں نے پیغمبراسلام ﷺکی کی سیرت کا مطالعہ نہیں کیا ہے۔ نبی کریمﷺکی سب سے افضل ، انسانیت کا نوراور تمام جہانوں کے لیے رحمت ہیں۔

انہوں نے مزید کہا کہ اس سلسلے میں ہمارا موقف واضح ہے۔ سعودی عرب تمام مذاہب اورعقائد کے احترام، امن کے پیغام کو عام کرنے اسلامی شعائرکی توہین نہ کرنے پریقین رکھتا ہے۔