سربراہ پاک بحریہ سے کمانڈر قطر امیری ایئرفورس کی ملاقات

نیول ہیڈ کوارٹرز آمد پر سربراہ پاک بحریہ ایڈمرل محمد امجد خان نیازی نے معزز مہمان کا استقبال کیا

---

قطر امیری ایئرفورس کے کمانڈر میجر جنرل (پائلٹ) جاسم محمد احمد المنائی نے اسلام آباد میں نیول ہیڈ کوارٹرز میں پاکستان بحریہ کے سربراہ ایڈمرل محمد امجد خان نیازی سے ملاقات کی۔

ایکسپریس نیوز کے مطابق نیول ہیڈ کوارٹرز آمد پر سربراہ پاک بحریہ ایڈمرل محمد امجد خان نیازی نے معزز مہمان کا استقبال کیا۔ ملاقات میں باہمی دلچسپی کے امور اور خطے کی سیکورٹی صورت حال پر تبادلہ خیال کیا گیا۔

ترجمان پاک بحریہ کے مطابق سربراہ پاک بحریہ نے خطے میں سمندری تحفظ اور امن یقینی بنانے کے لیے پاک بحریہ کے کردار پر روشنی ڈالی۔ قطر امیری ایئرفورس کے کمانڈر کے حالیہ دورے سے دونوں ممالک کے مابین تعلقات کو مزید فروغ ملے گا۔