جو روٹ کا بیٹ بغیر سہارے کیسے میدان میں ٹکا رہا شائقین حیران

اس وائرل کلپ پر دلچسپ تبصرے کیے جارہے ہیں۔ فوٹو: ٹوئٹر

---

لاہور: انگلش بیٹر جو روٹ نے نیوزی لینڈ سے پہلے ٹیسٹ کے دوران اپنے بیٹ کو بغیر کسی سہارے کے میدان میں سیدھا کھڑا کرکے شائقین کو حیران کردیا۔

جو روٹ کی ایک فوٹیج سامنے آئی جس میں وہ میچ کی چوتھی صبح بین فوئیکس کے ساتھ اہم پارٹنرشپ کے دوران نان اسٹرائیک اینڈ پر کھڑے تھے جہاں پر انھوں نے بیٹ کو سیدھا کھڑا کرکے چھوڑ دیا، وہ کئی سیکنڈز تک بغیر سہارے کے ٹکا رہا۔

ٹیسٹ میچ اسپیشل کی جانب سے اس کلپ کو اپنے ٹویٹر اکاؤنٹ پر شیئر کر کے لکھا کہ کوئی جانتا ہے کہ ایسا کیسے ہوا؟اس وائرل کلپ پر دلچسپ تبصرے کیے جارہے ہیں۔