DUBAI: وفاقی دارالحکومت اسلام آباد میں رات 10 بجے کے بعد شادی بیاہ کی تقریبات پر پابندی کا فیصلہ کرلیا گیا۔

ایکسپریس نیوز کے مطابق اسلام آباد میں آج سے رات 10 بجے کے بعد شادی ہالز کی تقریبات پر پابندی کے احکامات جاری کردیئے گئے ہیں جبکہ تقریب میں محض ون ڈش کی اجازت ہوگی۔

ذرائع کا کہنا ہے کہ اسسٹنٹ کمشنرز کے جاری کردہ اعلامیے میں کہا گیا ہے کہ اسلام آباد کے تمام ایس ڈی پی او اور ایس ایچ اوز وقت کی پابندی نہ کرنے والے ہالز مالکان کے خلاف قانونی کارروائی کریں گے۔

ذرائع کے مطابق اسلام آباد پولیس اور انتظامیہ کو پابندی سے متعلق آگاہ کر دیا گیا ہے۔