وکٹ کیپر محمد حارث کا بطور بیٹر ڈیبیو رضوان نے کیپ دی

ویسٹ انڈیز کیخلاف پہلے ون ڈے انٹرنیشنل میں شاداب خان اور محمد نواز کی واپسی ہوئی۔ فوٹو: سوشل میڈٰیا

---

PESHAWAR: ویسٹ انڈیز کیخلاف پہلے ون ڈے انٹرنیشنل میں وکٹ کیپر محمد حارث کا بطور بیٹر ڈیبیو ہو گیا۔

ویسٹ انڈیز کیخلاف پہلے ون ڈے انٹرنیشنل میں شاداب خان اور محمد نواز کی واپسی ہوئی، آسٹریلیا کیخلاف گزشتہ میچ کی پلیئنگ الیون میں شامل آصف علی کو ڈراپ کردیا گیا، افتخار احمد کو بھی باہر بٹھا دیا گیا، وسیم جونیئر اور زاہد محمود کی پلیئنگ الیون میں جگہ نہیں بن سکی۔

یاد رہے کہ آل رائونڈرز شاداب اور نواز پی ایس ایل میں انجرڈ ہوئے تھے، نواز کو آسٹریلیا سے سیریز کیلیے اسکواڈ میں شامل نہیں کیا گیا تھا، شاداب منتخب ہوئے مگر مکمل فٹنس نہ ہونے کی وجہ سے کوئی میچ نہیں کھیل پائے،آؤٹ آف فارم حسن علی کی جگہ آسٹریلیا کیخلاف تیسرے ون ڈے میں وسیم جونیئر ایکشن میں نظر آئے تھے۔