بابراعظم پاکستان کی شان ہے شاہین آفریدی
دعا ہے کہ بابر اعظم ملک کے لیے مزید ریکارڈز بنائیں، کپتان تم پاکستان کی شان ہو، شاہین آفریدی
کراچی:
قومی کرکٹ ٹیم کے مایہ ناز فاسٹ بولر شاہین شاہ آفریدی نے کپتان بابراعظم کو پاکستان کی شان قرار دے دیا۔
شاہین آفریدی نے سماجی رابطے کی سائٹ ٹوئٹر پر جاری اپنے پیغام میں لکھا کہ ویسٹ انڈیز کے خلاف پہلے ون ڈے میچ میں فتح کے بعد اپنا مین آف دی میچ ایوارڈ خوش دل شاہ کے نام کرکے بابراعظم نے لاکھوں دل جیت لیے۔
بولر نے بابراعظم کے لیے دعا کی کہ آپ ملک کے لیے مزید ریکارڈز بنائیں، کپتان تم پاکستان کی شان ہو۔
خیال رہے کہ گزشتہ روز ویسٹ انڈیز کے خلاف کھیلے گئے میچ میں بابر نے ایک روزہ کرکٹ میں اپنی 17 ویں سنچری مکمل کی اور ویرات کوہلی کا ریکارڈ توڑتے ہوئے ون ڈے میں تیز ترین 1 ہزار رنز بنانے والے پہلے کھلاڑی بن گئے۔