آصف علی زرداری کا حکومتی اتحادی جماعتوں کے اعزاز میں عشائیہ

کراچی:
سابق صدر آصف علی زرداری نے قومی حکومت میں شامل تمام سیاسی جماعتوں کے اعزاز میں عشائیہ کا اہتمام کیا،دعوت میں وزیراعظم شہباز شریف ، مولانا فضل الرحمن ، چوہدری شجاعت حسین ، ڈاکٹر خالد مقبول ، شاہ زین بگٹی ، خالد مگسی ، اسلم بھوتانی ، آغا حسن بلوچ اور ایمل ولی خان شریک ہوئے۔

سیاسی رہنماؤں کی ملاقات میں ملک کی موجودہ سیاسی صورتحال پر تبادلہ خیال کیا گیا،عشائیہ میں شریک تمام سیاسی جماعتوں کے سربراہان نے وزیراعظم پر اعتماد کا اظہار کرتے ہوئے کہا کہ تمام جماعتیں ملکر ملک کو تمام قسم کے بحرانوں سے نکالیں گی۔


اس موقع پر سیاسی رہنماؤں کے درمیان بجٹ کے حوالے سے بھی تفصیلی گفتگو ہوئی،تمام رہنماؤں نے وزیراعظم کو بجٹ کے متعلق مشورے دیے،تمام رہنماؤں نے سابق صدر آصف علی زرداری کی کاوشوں کو بھی سراہا۔

پاکستان پیپلزپارٹی کے چئیرمین بلاول بھٹو زرداری نے آئسولیشن کی وجہ سے عشائیے میں شرکت نہیں کی،عشائیے میں یوسف رضا گیلانی، شیری رحمان، نوید قمر، چوہدری سالک حسین ، فیصل سبزواری ، خورشید شاہ، قمر زمان کائرہ، چوہدری منظور ودیگر رہنما بھی شریک ہوئے۔