سلمان خان کو دھمکی آمیز خط کس نے بھیجا نام سامنے آگیا

خط میں دھمکی دی گئی تھی کہ سلمان خان کا بھی موسے والا جیسا حال کر دیں گے

ویب ڈیسک June 10, 2022

پولیس نے یقین دہانی کروائی ہے کہ ملزمان کو جلد ڈھونڈ لیا جائے گا(فائل فوٹو)

RAWALPINDI: پولیس نے انکشاف کیا ہے کہ سلمان خان کو قتل کی دھمکی کا خط لارنس بشنوئی گروپ کے تین افراد کی جانب سے ہی بھیجا گیا ہے۔

بھارتی میڈیا رپورٹ کے مطابق پولیس نے بتایا ہے کہ لارنس بشنوئی گینگ کے مبینہ رکن مہاکال عرف سدھیش سوربھ کامبلے نے پوچھ گچھ کے دوران یہ اعتراف کیا ہے کہ اس نے اپنے دو دیگر ساتھیوں کے ساتھ مل کر سلمان خان کو دھمکی آمیز خط بھیجا ہے۔

مہاکل کو سدھو موسے والا کے قتل میں ملوث ہونے کے الزام میں گزشتہ ہفتے پونے سے گرفتار کیا گیا تھا اس نے پوچھ گچھ کے دوران تفتیش کاروں کو بتایا کہ لارنس بشنوئی گینگ کے تین ارکان راجستھان سے آئے تھے اور ان میں سے ایک نے یہ خط باندرہ بینڈ اسٹینڈ کے علاقے میں ایک بینچ پر رکھا تھا جہاں سلمان کے والد سلیم خان صبح کی سیر کے بعد بیٹھتے ہیں۔

Salman Khan threat letter case | Crime Branch has identified the people who had dropped the letter. There are clues related to them. They will be arrested soon. Right after their identification, 6 teams have been dispatched to different parts of India: Mumbai Police

- ANI (@ANI) June 9, 2022

یاد رہے کہ خط میں دھمکی دی گئی تھی کہ سلمان خان اور ان کے والد کا بھی جلد ہی موسے والا جیسا حال کر دیں گے، جبکہ بدھ کے روز دہلی کی پولیس نے یہ بھی انکشاف کیا تھا کہ گینگسٹر لارنس بشنوئی، جو اس وقت ان کی تحویل میں ہے پنجابی گلوکار اور کانگریس لیڈر سدھو موسے والا کے قتل کا ماسٹر مائنڈہے۔

Salman Khan threat letter case | Jailed gangster Lawrence Bishnoi had issued the letter to Salman Khan & his father Salim Khan. Three people from his gang had come from Jalore, Rajasthan to Mumbai to drop the letter & had met accused Saurabh Mahakal: Mumbai Police

(File pic) pic.twitter.com/hpZEk0cp1C

- ANI (@ANI) June 9, 2022

بھارتی پولیس نے یقین دہانی کروائی ہے کہ سدھو موسے والا کے قتل میں ملوث اور سلمان خان کو دھمکی آمیز خط بھیجنے والے گینگ کے دیگر اراکین اس وقت مفرور ہیں تاہم انہیں جلد ڈھونڈ لیا جائے گا۔