بھارت کیلئے جاسوسی کا کیس ایم کیو ایم لندن کے 3 کارکنوں کی ضمانت مسترد

آئندہ سماعت پر ملزمان پر فرد جرم عائد کی جائے گی، عدالت۔ فوٹو: فائل

---

ISLAMABAD: انسداد دہشتگردی کی خصوصی عدالت نے بھارتی ایجنسی را کو خفیہ معلومات دینے اور دہشتگردوں کو مالی معاونت فراہم کرنے کے مقدمے میں ایم کیو ایم لندن کے 3 کارکنوں کی درخواست ضمانت مسترد کر دی۔

کراچی سینٹرل جیل میں انسداد دہشتگردی کمپلیکس میں خصوصی عدالت نے بھارتی ایجنسی را کو خفیہ معلومات دینے اور دہشتگردوں کو مالی معاونت فراہم کرنے کے مقدمے میں ملزمان کی درخواست ضمانت پر فیصلہ سنایا۔

عدالت نے فیصلے میں کہا کہ آئندہ سماعت پر ملزمان پر فرد جرم عائد کی جائے گی، شواہد کی روشنی میں ملزمان ضمانت کے مستحق نہیں ہیں۔

ملزمان میں آصف صدیقی، منور علی اور ظفر عرف ٹینشن شامل ہیں۔ کیس میں اب تک 6 ملزمان کی ضمانت مسترد ہوچکی ہے، جن کی ضمانت پہلے مسترد ہوئی ان میں شاہد عرف متحدہ، عادل انصاری، سراج احمد خان شامل ہیں۔