پاکستان سے بیرون ملک جانے والے افغان شہریوں کیلیے نئی ویزا پالیسی منظور

افغان شہریوں کو 24 گھنٹے کے اندر 30 دن کا ٹرانزٹ ویزا جاری کیا جائے گا۔

---

ISLAMABAD: پاکستان سے بیرون ملک جانے والے افغان شہریوں کیلیے نئی ویزا پالیسی منظور کرلی گئی۔

افغان شہریوں کو درپیش مسائل اور غیر قانونی امیگریشن کی خامیوں کا نوٹس لیتے ہوئے وزیراعظم شہباز شریف نے پاکستان کے راستے بیرون ملک جانے والے افغان شہریوں کے لیے نئی ویزا پالیسی کی منظوری دی ہے۔

وزیراعظم کے اسٹریٹجک اصلاحات منصوبے کے سربراہ سلمان صوفی کے مطابق نئی پالیسی کے تحت حکومت پاکستان کی جانب سے افغان شہریوں کو 24 گھنٹے کے اندر 30 دن کا ٹرانزٹ ویزا جاری کیا جائے گا۔

سلمان صوفی نے بتایا کہ وہ ممالک جہاں افغان شہریوں کو امیگریشن مل چکی ہے وہ ان شہریوں کیلئے پاکستان کا راہداری ویزا اپلائی کریں گے۔