ٹریفک حادثات میں 2 افراد جاں بحق کمسن بچی سمیت 5 افراد زخمی
متوفی کے سر پر گہری چوٹ آئی تھی جبکہ فوری طور پر اس متوفی کی شناخت نہیں ہو سکی، حکام
PARIS:
شہر کے مختلف علاقوں میں ٹریفک حادثات میں 2 افراد جاں بحق جبکہ رکشا الٹنے سے کمسن بچی سمیت 5 افراد زخمی ہوگئے۔
تفصیلات کے مطابق الفلاح کے علاقے ملیر ہالٹ کے قریب ٹریفک حادثے میں ایک شخص شدید زخمی ہوگیا جسے ایدھی کے رضا کاروں نے انتہائی تشویشناک حالت میں جناح اسپتال پہنچایا جہاں وہ دوران علاج زخموں کی تاب نہ لاتے ہوئے دم توڑ گیا۔
متوفی کے سر پر گہری چوٹ آئی تھی جبکہ فوری طور پر اس متوفی کی شناخت نہیں ہو سکی جبکہ ریسکیو حکام کا کہنا ہے کہ متوفی راہگیر تھا جسے نامعلوم تیز رفتار گاڑی نے ٹکر ماری تھی تاہم پولیس اس حوالے سے مزید تحقیقات کر رہی ہے۔
لیاری ایکسپریس وے بہار کالونی لیاری کے قریب ٹریفک حادثے میں ایک شخص جاں بحق ہوگیا جس کی لاش ایدھی ایمبولینس کے ذریعے سول اسپتال لائی گئی۔ ریسکیو حکام کا کہنا ہے کہ متوفی کی شناخت 42 سالہ ماما شفیق کے نام سے کی گئی۔
دریں اثنا بلدیہ حب ریور روڈ عالمگیر ویلفیئر کے قریب رکشا ڈرائیور سے بے قابو ہو کر الٹ گیا جس کے نتیجے میں کمسن بچی سمیت 5 افراد زخمی ہوگئے جنہیں فوری طبی امداد کے لیے سول اسپتال لیجایا گیا۔