شوکت ترین نے 20ہزار ارب روپے کا قرض لینے کا اعتراف کرلیا مریم اورنگزیب

وزیر اطلاعات مریم اورنگزیب کا کہنا ہے کہ شوکت ترین نے آخر کار اعتراف کر ہی لیا کہ عمران خان نے چار سال کی حکومت میں 20 ہزار ارب روپے کا قرض لیا۔

اپنی ٹویٹ میں وزیر اطلاعات نے کہا کہ جو قرض تاریخِ پاکستان میں لیے گئے اس مجموعی قرض کا 76 فیصد ہے۔


انہوں نے کہا کہ ایسے بہت سے اعتراف ابھی عمران صاحب کو کرنے ہیں، ‏عمران صاحب کی آئی ایم ایف سے سخت شرائط پر معاہدہ اور ڈالر 115 سے 189 پر لے جانے کا اعتراف ابھی باقی ہے۔

وفاقی وزیر نے کہا کہ مہنگائی، بے روزگاری اور معاشی تباہی کے ظلم ڈھانے کے علاہ قیراط، خیرات اور کرپشن کے ثمراث کا اعتراف بھی جلد ہوگا۔