امپورٹڈ حکومت مہنگائی کرنے کےباوجود آئی ایم ایف کو خوش نہیں کرسکی شیخ رشید

ISLAMABAD:
سابق وفاقی وزیر داخلہ شیخ رشید کا کہنا ہے کہ امپورٹڈ حکومت مہنگائی کرنے کے باوجود آئی ایم ایف خوش نہیں کرسکی۔

سماجی رابطے کی سائٹ ٹوئٹر پر سابق وفاقی وزیر نے لکھا کہ شہباز شریف کی امپورٹڈ حکومت ملک میں مہنگائی کا سیلاب لانے کے باوجود آئی ایم ایف کو خوش نہیں کرسکی، یہ لوگ ملکی معیشت کو تباہ کرنے آئے تھے۔

انہوں نے کہا کہ مہنگائی کے خلاف جماعت اسلامی اور عوامی تحریک کے احتجاج کی حمایت کی اور کہا کہ شہباز حکومت میں لوگ لوڈشیڈنگ اور مہنگائی سے مر رہے ہیں۔

شیخ رشید نے مزید لکھا کہ عمران خان کے دورِ حکومت میں غیر ملکی ترسیلات زر اور زرمبادلہ کے انبار لگے تھے لیکن موجودہ حکومت نے سب تباہ کردیا۔


مزید پڑھیں: تاریخی خسارے کے ساتھ قوم پربجلی گرائی گئی، شیخ رشید

گزشتہ روز انہوں نے اپنے ٹوئٹ میں حکومت پر تنقید کرتے ہوئے کہا تھا کہ بجٹ پہلے ہی پیٹرول،گیس،بجلی اور گھی کی قیمتوں میں اضافہ ہوگیا ہے، اب تاریخی خسارے کے ساتھ کھاد اور قدرتی گیس پر بھی پیسے بڑھا دیئے ہیں۔

امپورٹڈ حکومت آئی ایم ایف کو بھی خوش نہیں کر سکی تو صرف معیشت تباہ کرنے آئی ہے، غیر ملکی ترسیلات اور زرمبادلہ میں کمی ان کا دیا ہے۔ 10 گھنٹے کی لوڈشیڈنگ سے لوگ مر رہے ہیں۔ مہنگائی پر جماعت اسلامی اور PAT کے احتجاج دونوں کی میں حمایت کرتا ہوں۔منگل کو الیکشن کمیشن جاؤں گا۔